DAMAYAN-BULUSEÑO
GAZETTE ONLINE EDITION
|
|
|
This
page is originally located at the following URL:
https://dbgazette.tripod.com/printables/vol15no7_page3_miscellany.html
MISCELLANY
by
Luz Z. Gamba
Kon Paano
Magserbe sa Bayan an Bulusanon
Dianison
pagbateon, pag-imodon na daghanon na Bulusanon an may pagmaw-ot na magserbe sa
ato bongto, magdanon base umasenso man ine.
Malinaw na ebidensya kun panahon sin eleksyon.
Daghan an naggagastos sin daragko na halaga para hamok ialok an kanira
serbisyo, an kanira danon sa publiko. Komo
an politika sayo na laban, may nanggagana, may napipyerde.
Pero intero sira sayo an kamaw-otan – an magserbe, an makadanon.
Panahon
na siguro na dapat seryusuhon ta an pagmakulog sa ato bungto.
Ano man na partido political an kinabibilangan, total sayo man hamok an
kamaw-otan, magkasarayo na kamo, magkasarayo na kita.
May kusog, may pwersa para maangat nato an ato bungto.
Saludo
ako sa mga nag-aalok san kanira serbisyo – an mga nagkakandidato.
Kumbinsido ako na sira an mga tawo sa ato bungto na may daku-dako na
pagmaw-ot na umasenso an ato mga tawo, an ato lugar.
Sira an mga tawo na handa isakripisyo an sadiri na kamaw-otan alang-alang
sa bayan. Tama ba ako?
Sayo
na paraiso an Bulusan. An ato
bongto an may pinakadako na potensyal sa ecoturismo sa buong Sorsogon.
An ecoturismo, bilang parte san turismo, sayo na dako na negosyo san
bongto. Makahatag trabaho sa mga
tawo, makadagdag income sa ato municipio, makakonserbar pa san ato kapalibutan.
Pagdaghan an income, daghan man an proyekto na mahihimo.
Makikilala sa iba na lugar an ato bongto na pagbabatugan sin
pagkaka-aramigo.
Naniniwala
ako na kon an turismo ato pauswagon, hatagan sin atensyon, sigurado maakudiran
an ekonomiya san ato bongto. Daghan
na taga-iba na lugar an nanghihinayang, oya sa ato an bulawan pero nahugak kita
mag-ukad, nagduduwa-duwa kita pahikan ine para kumintab.
Awat na inpaparaplano, inpaparaestoryahan – hanggan doon lang.
Sinasabi na problema an kuarta. Totoo
man, kay an ato gobierno kulang o wara ngani ada sin pondo para masustener o
mahimo an proyekto pang-turismo dine sa ato lugar.
Kun
kita magpaparahulat na rumadag an kuarta hale sa langit, badi o dire nato
mareyalisar an ato gusto mangyari sa ato lugar.
So,
nano daw kun sa sadiri nato na paagi mabatogan ta ini na ato mga kamaw-otan
pang-turismo? Base pa kun maimod san gobyerno na naghihingoha kita maengganyar
na danonan logod kita.
Mayon
ako sin isusumite na concept paper sa ato punong-bayan, Mayor Juan G. Guysayko,
manongod sin plano sa pagtindog san BULUSAN ECOTOURISM HERITAGE CORPORATION (BETHCOR)
kun diin papartisiparan ine san Provincial and Municipal Government, NGOs, POs,
at pribadong sector. An shares na
ididistribuir sa lambang sayo mao man an magiging pondo para sa pag-develop/construct/improve
san ato ecotourism destinations and ecotourism products.
(Abangan
na sa susunod na issue…)
Vol.
XV No. 7 (March - May 2003)
Copyright
© 2003 Damayan-Buluseño Gazette Online Edition | All Rights
Reserved