DAMAYAN-BULUSEÑO GAZETTE ONLINE EDITION |
This page is originally located at the following URL:
https://dbgazette.tripod.com/printables/vol15no7_page2_plans4sr.html
PLANS FOR SAN ROQUE FIESTA AND SRESAAI ALUMNI HOMECOMING 2003 BARED
Nagkamayon
sa San Roque Elementary School sin consultative meeting, Mayo 31, san mga
representative san sponsoring groups para sa maabot na fiesta nan Alumni
Homecoming. Sponsoring groups an:
Barangay Council, Kapilya Council, Elementary School PTCA, High School PTCA, SK
nan Jovenes, nan SRESAAI.
Invuelto man sa aktibidades sa barangay an Kababayehan, Sandigan,
SROFADECO, Kalipi, Purok Leaders, Brgy. Tanod, Brgy. Health Workers, UYEHD, Life
Bringer, atbp.
Tinocar sa meeting na ini an
posible na mga aktibidades sa solod sin opat kaadlaw batog na Agosto 14 hanggan
Agosto 17.
Sayo na highlight para sa niyan na maabot na fiesta mao an inpaplano na
Ginabangan Festival/Streetdancing na paparticiparan san 9 na purok san barangay.
Sayo ini na kompetisyon kon diin P 5,000 cash an ihatag na premyo, hale
sa San Roque Life Bringer Foundation, Inc. (SRLBFI).
Magkakamay-on man sin Clean and Green Contest kon diin an premyo
maghahale man sa San Roque Elementary School Alumni Association, Inc. (SRESAAI).
May plano man na Beer Plaza sa solod san opat kaadlaw, sports and
cultural activities.
San Junio 1, nagkamay-on gihapon sin meeting an San Roque Elementary
School Alumni Association, Inc. sa pamumuno ni Madam Luz Z. Gamba, kon diin
tinocar an mga plano para sa Grand Alumni Homecoming 2003 na hihimoon sa petsa
17 san Agosto.
Pinaka highlight dini an Homecoming King & Queen contest kon diin
kada batch, batog na 1946 hanggan 1999, may iparada na kandidato/kandidata.
Para sa mga detalye, puede ser tabi maki-coordinate an mga taga San Roque
sa kani-kanira batch representative. Puede
man tabi tumawag sa oficina ni Madam Luz (8310363/5514887) o kaya kina Sim Gamba
(0920-2286882) o Bella Gapas-Indionco (0918-9238336).
AN
INVITATION FOR ALL:
COME
AND SEE A NEW FACE OF A DEVELOPING COMMUNITY BECAUSE OF THE HELP, COOPERATION
& INDUSTRY OF ALL SECTORS CONCERNED. INVOLVEMENT.
STANDING TO BE COUNTED. COMMITMENT.
THE BAYANIHAN SPIRIT IS VERY MUCH ALIVE IN SAN ROQUE.
Vol. XV No. 7 (March - May 2003)
Copyright © 2003 Damayan-Buluseño Gazette Online Edition | All Rights Reserved