DAMAYAN-BULUSEÑO GAZETTE ONLINE EDITION |
This page is originally located at the following URL:
https://dbgazette.tripod.com/printables/vol15no9_page2_miscellany.html
MISCELLANY
Luz
Z. Gamba
Agyat san Panahon sa Turismo san Bulusan
San
Oktubre 10, sa municipio san Bulusan, nagpirmahan an LGU Bulusan (sa
pagrepresentar ni Mayor Johnny Guysayko), nan an DENR (na inrepresentar man ni
RED Oscar Hamada), san ingagahoy na MOA o Memorandum of Agreement para sa
Bulusan Lake Management.
Wara
na kita masabi pa sa kasuripotan san mahal na Dios. Binati niya an awat ta na na
kamaw-otan na maidelegar sa mga taga Bulusan an pagmanehar san Bulusan Lake.
Naotob asin nangyari an bendisyon san mahal na Dios. In His own time.
Niyan
na nasa ato na an bola, nano an dapat ta himoon?
Una
siguro, aramon ta an mga probisyones soon na MOA para maaraman ta an ato man
parte dine: dire hamok sa parte san LGU Bulusan, kundi sa parte man san pribado
na sektor nan civil society san Bulusan.
Ikaduwa
siguro, i-suggest ta sa LGU Bulusan, na mao an principal na administrador sini
na Bulusan Lake Management, na maggahoy sin seminar/workshop para sa sayo na
strategic and development planning. Imbitaran an sectoral representatives san
bilog sa municipalidad san Bulusan.
Ikatolo
siguro, mag-ayo partisipasyon hale didto sa mga tawo o organisasyon na may tama
na pagkaaram sa development nan management sin irog sini na ecotourism
destination. Sugad sin mga environmentalists, natural scientists, geologists,
zoologists, atbp.
Ikaopat
siguro, magbayad sin serbisyo sin sayo na expert on ecotourism development kon
gusto ta na maging world-class nan globally competitive ine na ato inmamaw-ot na
tourism plans para sa Bulusan Lake.
Nasasabi
ta ine kay, segun ngani sa sayo na UN Report, "... while tourism has
the potential to promote opportunities for conserving nature, tourism
developlement, when done improperly, can be a major threat to
biodiversity." Aram ta man na an Bulusan Lake nan an kapalibutan
sine masasabi ta na mao an last frontier, diri lang siguro san provincia san
Sorsogon, kundi sa bilog na region san Bicol.
Hale
pa dine sa report "Tourism and Biodiversity: Mapping Tourism’s Global
Footprint,"...."Tourism relies on stable and healthy communities
and environments. It cannot ruin the very wildlife and landscapes the visitors
pay to see and then move on."
Kaya
ngani kaipohan nan importantihon na pagdaronan ta an pagpaplano sa Bulusan Lake
development kay intero kita apektado dine. Intero kita may idea, may kakayahan,
may talento, may kamay-onon na puede ikaheras para sa mayad na pagpadalagan san
Bulusan Lake. Pag-oropodon ta, pagsarayoon ta.
Isipon
nato na an pinaka-katuyuhan ta sa pagmaw-ot na mapasa-ato an pagmanehar san
Bulusan Lake mao an makahatag sin mas daghan na empleyo sa ato mga tawo, para
mag-angat man an real incomes san ato mga pag-oropod nan an ekonomiya san ato
bongto. Basi pa sa paagi na ine, makalukso an ato bongto paghale sa pagiging 5th
class pakadto sa maski na 3rd class. Mabuhay ka, Bulusan!
Niyan
ta sabihon: ABANTE, ANGAT BULUSAN!
Vol. XV No.9 (September - October 2003)
Copyright © 2003 Damayan-Buluseño Gazette Online Edition | All Rights Reserved