|
Page 2 of 3
|
SA
NGARAN SAN DAMAYAN
ni
Rogelio "Elio" Fuentes
|
|
“An Totoo na Katuyuhan – IV”
San pag-uli ko sa Bulusan san nakaagui na Semana Santa,
lalo ako naogma san mga magayon na reaksyon san mga tawo sa mga
sinurat ko na artikulo dini sa Gazette. Bagaman pahoring sira na magsurmaton kay sugad sin may
nahadukan pero, pare-pareho an gusto nira ipasabot sa ako. Naruyagon kono sira nan nagpapasalamat kay may makusog an
buot na nagsiwalat san mga diri mayad na nangyayari sa Bulusan na
awat na kono nira inpupugol sa buot lalo na an sobra na barakalan
san boto kon eleksyon, an mga abuso san mga poste nan taga-bulod
nan an grabe na illegal logging na pinabayaan hamok san mga
autoridad kaya, aruton na an ato bulod lalo na an inuurgulyo ta na
National Park.
Bagaman
nahaghag sira sa posible na maraot na mangyari sa buhay ko pero,
intero sira nagsasabi na puro man kono totoo an mga sinurat ko na
dapat maaraman san publiko basi makamuklat an mga may
responsibilidad. Kon mayon man kono sin kunulog an boot, wara sin iba kondi an
mga tinamaan lalo na an mga pulitiko nan mga lider nira na abusado.
Dahil san grabe na illegal logging, nahaghagon kono
sira na posible mangyari sa Bulusan an nangyari sa Ormoc nan sa
iba na lugar na daghanon an namatay na biktima san makusugon na
baha dahil arot na an kanira bulod.
Kaya, may nagsabi na an pangadyi kono niya na kon bumaha
sin makusog na wara man baga sin maging biktima na mga inosente.
Diri na bale kono kon an i-anod an mga illegal logger
mismo nan san mga nakinabang basi maalto na deretso an illegal
logging. Magub-at
ini na surmaton na dapat itanom sa isip san mga nasasangkot.
Sa namasdan ko sa Bulusan, tensyonado an mga tawo lalo na
an mga may prinsipyo na diri kaalyado san mga pulitiko.
Yuon an diri mayad na situasyon sa sayo na komunidad na
hadok magluwas san kanira sentimyento an mga tawo.
Nasa demokratiko kita na gobierno, diri diktadura.
Nadisganar ngani ako sa sumbong sa ako na pati an civic
action san Damayan-Buluseño nahaluan pa sin pulitika. Pero, imbes na mainit, nakatinawa ako. Diri nira inisip na an hinimo nira sa kanira mismo mauntali.
Nasipatan lugod sira san mga nakaaram sa nangyari.
Diri mabasol yadto na sayo na nagkomento na “Diri nira
inisip na an civic action san Damayan-Buluseño awaton na
na serbisyo publiko para sa mga pobre na Bulusanon na dapat ngani
suportahan nira.” An
dagdag man san sayo, “An totoo, maski sin-o pa an makapuesto nan
humali sa munisipyo, wara sin epekto sa mga tawo pero, kon an
Damayan-Buluseño an umalto san serbisyo sa mga Bulusanon,
sigurado daghanon na pobre na pamilya an apektado.
Dahil san mga ibinulgar ko, may nagpaabot sin mensahe sa
ako na dapat kono mientras ako magsurat ipaaram ko ngon-a sa mga
nasa autoridad para diri kono magkasiriway an buot san mga tawo
nan diri maraot an imahen san bungto sa luwas.
Gusto ko ilinaw na wara ako sinurat na dapat ko pa
ipagpaaram maski konay kay puro man totoo na nangyayari na dapat
sadto pa inatubang para masolusyonan kaya nararaot an imahen san
bungto. Kaya, sira an
dapat basolon. Puro
man komporme an nakabasa san ako artikulo pati na an mga nasa iba
na lugar na may pagmakulog sa Bulusan.
Kaya ngani hanggan niyan may mga naresebi pa ako na surat, text
message nan tawag sa telepono na in-eengganyo ako na isurat ko pa an
iba ko na naaraman na isyu. Wara
sin nagsabi na magpaaram ngon-a ako.
An totoo, oro-adlaw nabasa ta sa mga diyaryo an atake sa
administrasyon pero, wara man sira pagpaaram sa presidente san
Pilipinas mientras nagsurat.
An pagkakasiriway san buot san mga tawo, mga pulitiko an
may himo dahil san darayaan kon eleksyon nan benggahan pagkatapos
kon nakapuesto na an sayo na partido.
An mga inhihimo ko serbisyo publiko nan mga reunion basi
magkaurugos uli an mga magkakadugo na insiriway san pulitika.
Naimod man san publiko.
An problema sa mga pulitiko kay nalimutan na na public
servant sira kon nakapuesto na.
Nagiging balat sibuyas sira sa mga kritisismo na
kontra sa kanira administrasyon.
Gusto pag-umawon hamok maski lantaran na an abuso nan
anomaliya. Diri yuon
an dapat na ugali san mga opisyales san gobierno kay an publiko an
nagpapasueldo sa kanira.
Mao yuon an magub-at na dahilan kaya diri kami magkakatono
san kadaghanan san mga pulitiko kay may iba sira na agenda sa
paghatag sin serbisyo. Ako
sinsero sa pagserbe sa publiko na wara sin inlalaom na personal na
pabor na aram san mga Bulusanon.
Wara sin puede magboyboy sa ako na pinakibangan ko an
Bulusan nan kapwa Bulusanon.
An diri ko maintindihan sa mga pulitiko kay kaipuhan pa
nira magbayad sin mahal na PTC nan magbakal sin mahal san boto san
mga tawo para makaserbe sa bungto kono.
Lalo diri ko sira maintindihan kay habo sira san diyalogo
san kanira mga partido para sa malinig nan honesto na eleksyon
para diri magkasiriway an buot san mga tawo.
Kon sin-o man an makaluwas niyan na eleksyon, Congratulations
an ipinaabot ko sa kanira.
Dapat umawon an nanggana dahil sa totoo na kagustuhan san
mga tawo diri dahil sa hataas na presyo san boto nan pang-aagrabyado
sa kapwa kandidato. Kon
mao yuon an mangyayari, mag-ogma man sira diri puede mag-urgulyo.
Kon baga sa prutas, pirit na hinog kaya maalsom o masakrot.
Makapuesto man sira hababa an respeto sa kanira san publiko
nan diri nira makuwa an kooperasyon san kanira inagrabyado.
Kaya, lalo magkakasiriway an buot san mga tawo.
Maabot an panahon na an kulog san buot san mga naagrabyado
mabuelta man sa kanira para mamati-an man nira.
Domdomon an kasabihan na “He who laughs last, laughs
best.”
Congratulations man sa mga diri nanggana dahil diri
nagbakal sin boto. Diri
sira dapat na mamundo kay napierde sira na may dignidad.
Dapat ngani sira umawon kay sa mata san Mahal na Diyos,
sira an mas Honorable. An mga dapat na mamundo an mga
nagbakal sin boto pero, napierde pa kay duwa an nawara sa kanira,
kuarta nan dignidad. Kaya,
dapat mamarit na sira.
Diri man pangunguna o pagdidikta sa administrasyon san mga
makapuesto pagkatapos san eleksyon, bilang sayo na Bulusanon,
naglalaom ako na magpapakatotoo sira sa kanira mga ipinangako sa
kampanya. Pareho man
san iba, inmamaw-ot ko man na mabalik an katrangkiluhan o peace
and order sa ato bungto para gumaan an pag-asenso san ato
ekonomiya. Dapat
masuheto nira an mga abuso san mga poste nan taga-bulod kay dako
na sagabal sa promosyon san turismo kay mao an kayamanan san
Bulusan na magdadara sa progreso sa mga tawo.
Sayo pa na diri nira pagkonsintihon an padagos na illegal
logging kay masyado na arot an ato bulod.
Kon pabayaan nira nan umabot an makusog na baha, dako na
distroso an maabot sa Bulusan na ibasol sa kanira sin husto san
mga tawo lalo na kon may mga mamamatay.
Nangyari na ini sa iba na lugar.
Diri na sira maghulat na mangyari dini sa ato.
Pira hamok ini sa mga suhestyon na kon hatagan nira sin
atensyon nan prayoridad, uumawon sira san mga tawo, kaupod na ako.
Saka na kami magkakatono.
Pero, kon an kanira ipasi-urog an pagbawi san ginasto san
eleksyon nan pabayaan an mga abuso san iba-iba na elemento, diri
nira ako mababasol kon diri ko man mapugol na magbulgar uli dini
sa Gazette san mga makaapekto sa imahen san Bulusan.
Hihimuon ko yuon dahil sa sobra na pagmakulog ko sa ato
bungto. Kaya, sugad
man san iba, naglalaom man ako na puro kadi-anisan san bungto an
kanira mga hihimuon.
Nagpapasalamat ako sa mga mensahe sa ako na ipinangadyi
nira na marayo ako sa disgrasya dahil san ako ibinubulgar.
Sugad san una ko pa na sinabi, preparado na ako.
Mas ika-ogma ko kon an matumba sa ako mismo an mga tinamaan
san mga sinurat ko. Nangangahulugan,
epektibo an ibinulgar kaya sira nakulugan.
Pag yuon an mangyari, aram ko na an katuyuhan san Mahal na
Diyos: gusto na Niya ako mamunay para iba naman an magpadagos san
mga inhihimo ko nan para hatagan sin leksyon ini na mga salot nan
perwisyo sa komunidad kay naimod ko na an mangyayari sa buhay nira
nan san kanira pamilya sa maabot na panahon.
Basta an aram ko, intero na inhihimo ko para sa kaayadan
san kapwa nan komunidad. Kaya, kon wara man sin maraot na mangyari
sa ako, nangangahulugan na gusto pa Niya na ipadagos ko an mga
plano ko pa na proyekto na makahatag sin kaogmahan nan ginhawa
lalo na sa masa.
|
LIGHTHOUSE
by
Starbhen
|
|
GOD,
THE SUPREME BEING
Insert
here. Also, edit printable version.
Source:
Teachings of the Brahma Kumaris World Spiritual University)
|
BATO-BATO
SA HANGIN NI MANO ANDOY
|
|
"Eleksyon
- Sadto/Niyan"
Sadto, an panahon san pagboto talaga trangkiluhon
Nakasiguro an mga botante kay an proseso
magayon
Niyan, duda an mga tawo kay daghan an
tentasyon
Na nakapalibot sa presinto kon adlaw san
eleksyon
Sadto, an mga nakarehistro nasa address
nan lokasyon
San kanira istaran maski sira hanapon nan
kadtuon
Niyan, rehistrado pa an awaton na na mga
nakalubong
Kaya daghanon na mga kalag an nakaboto kon
eleksyon
Sadto, dahil san paagui na pagboto na
malinigon
Kaya an mga kandidato na napierde magaan
na akuon
Niyan, pakabilang san mga boto an protesta
daghanon
Dahil san dagdag-bawas nan dayaan na uso
kon eleksyon
Sadto, nagana an kandidato maski na siya
pobrehon
Dahil sa integridad an mga tawo siya an
gustuhon
Niyan, maski wara sin integridad basta
makuartahon
Na pangsabrag sa mga botante sa adlaw san
eleksyon
Sadto, pakabilang san boto an mga
kandidato masunudon
Sa nagiging resulta kay an mga tawo an may
desisyon
Niyan, an mga napierde may dahilan na
pangkonolasyon
Na kaya diri nakaluwas kay dinaya kono
siya sa eleksyon
Sadto, an mga opisyales na an rekord nira
malinigon
Binoboto uli sa puesto para an serbisyo
padaguson
Niyan, maski na an mga nahimo nira talaga
magayunon
Kon wara sira sin kuarta bokya sira sa
eleksyon
Sadto, an mga opisyales na sa puesto
nakabalikon
Kon maraot an himo an mga tawo sa kanira
habuon
Niyan, sigurado makabalik uli an mga
mandarambong
Dahil sigurado dako an lagay sa adlaw san
eleksyon
Sadto, habo an mga tawo san kandidato na
makuartahon
Kon sa publiko an tunay na pagkatawo niya
marauton
Niyan, maski na hold-upper, kidnapper
nan makawaton
Basta daghan an datung “flor de bot”
siya sa eleksyon
Sadto, an honesto na kandidato an ngaran
mahamuton
Maski wara sin kuarta an mga tawo siya an
paganahon
Niyan, diri na puede an honesto kon wara
pakomkom
Lalo kon an kalaban ribo an panghatag sa
eleksyon
Sadto, an mga kandidato may inadalan nan
madunong
Kon nakaluwas nakaintindi san kanira dapat
himuon
Niyan, sigurado luwas kon may panggasto na
milyon
An kapay sa Mandaluyong na makandidato sa
eleksyon
Sadto, an kandidato na nadakop magdaya
naraw-ayon
Inaako an sala niya nag-aayo dispensa na
patawaron
Niyan, an mga dayaon nag-uurgulyo pa nan
maganyahon
Diri na bale an dignidad basta gana sira
sa eleksyon
Niyan, mientras kita bumoto ato ngon-a
pakaisipon
An magiging panahon san mga masunod ta na
henerasyon
Tukduan ta an mga dayaon na kandidato sin
leksyon
Kuwaon an kuarta iboto an mayad niyan na
eleksyon
ROLE
MODEL
“The Friendly Doctor”
Whenever the name Dr. Noli Fortades is mentioned, it rings
a bell to most Buluseños especially those who know him personally
or even those who have only heard about him.
He is equally popular among his peers in the medical
profession in the provinces of Albay and Sorsogon and in other
social circles that he is in.
He is also close to people from all walks of life and is
well loved by his patients at his clinic in Legaspi City.
It’s all because he is very pleasant to talk with, has
always a ready smile for everyone, charming and accommodating.
They feel at ease and comfortable with him as he is a real
gentleman and a very friendly doctor.
Although an EENT specialist, Dr. Fortades does not charge
exorbitant fee like other doctors with the same expertise.
For Buluseños, consultation with him is free and even to
others who really cannot afford due to extreme poverty but in need
of his services.
What endears him more to others is his sincerity and
honesty in dealing with people - rich or poor, professional or
not. Despite his
social prominence, he is an epitome of humility and has deep
concern for the masses.
This is proven by his regular attendance in the yearly
civic action in Bulusan. Despite
the long distance that he has to travel from Legaspi City, he does
not mind it at all. It's because he knows his indigent townmates are anxiously
waiting for him. They
are in need of his services.
Dr. Fortades is not only concerned for the health of his
kababayans. It is
also his earnest desire to improve the lives of families in
far-flung barangays who are wallowing in poverty.
To help alleviate their situations, he sends their talented
children to college in Legaspi City so they could support their
families when they become professionals.
He has his way of support them in their pursuit of higher
education without making them totally dependent on him, thus
enabling them to finish their courses with dignity.
He takes them in as household and clinic assistants while
he shoulders all their expenses in school and other allowances.
Once they have graduated and have found jobs fitting for
their professions, he lets go of them. Then he takes in another
batch of high school graduates from the poorest of the poor
families. As of now,
he has already made many professionals in the fields of
engineering, architecture, education, accountancy, and other
courses.
His generosity does not end there.
He is always in full support of the projects being
undertaken in his home barangay of Buhang, Bulusan.
To further help in their fundraising in the benefit dance
during their fiesta celebration which is usually done in pompous
style, he declines the free entrance at the gate given as a matter
of courtesy to him. Instead,
he does not only pay for his ticket but also for his friends who
could not get in because of the high-ticket cost. Not only do his friends
enjoy the free entrance but also their tables, drinks, pulutans,
and the hug and dance with the sexy ladies around.
Despite the high admiration accorded to him by different
sectors of the society, it never made him swellheaded.
Dr. Fortades remains a very simple and humble man.
With such admirable qualities in him, he was an excellent
material for an elective position in the government during his
younger years. But no
amounts of proddings from known political leaders could convince
him to enter the political ring.
Had he consented to run for public office then, most
probably he would now be holding a high position as a public
servant. But then
again, politics is not really his cup of tea.
Dr. Fortades could have made himself a rich man if he took
advantage of his profession as an EENT specialist and thought only
of himself and his family. But,
to accumulate wealth at the expense of the people he has sworn to
serve is farthest from his mind.
To him, whatever little thing that comes to him is a
blessing from God which should be shared with others especially
those who have less in life to improve their living conditions.
His attitude has alrady been like this ever since
childhood. His
friends could not come up with any negative comments about him.
They say he was already very friendly even to new
acquaintances. Although
he belonged to a well-off family in their barangay, he has shown
already his closeness to his poor playmates.
Though he is popularly known as Noli, his real name is
Elino - the second child of the late couple Mr. Pedro Fortades, a
public school teacher, and the former Sophia Guysayko, both of
Barangay Buhang. He
is married to the former Marisol Arnedo of Sorsogon City, a nurse
now based in the USA. The
couple has five children: Minerva,
a doctor of optometry; Marita, a doctor of medicine; Raul, a
medical technologist; Rommel, a civil engineer with a master's
degree in civil engineering; and Marian Grace, a nurse.
If only people with the same stature as Dr. Fortades would
adopt his principles and philosophy in life, there will be no
peace and order problems in our community which are mainly caused
by greed for power and wealth.
To DR. NOLI G. FORTADES, we salute you.
You are a rare breed of a man who will leave a very
wonderful legacy truly worth emulating by the generations yet to
come.
Articles
Menu
|
Top
|
1
| Page
2
|
3
| Next
Page »
|
